Geri Lineker kritoi ashpër Tuhel pas eliminimit dramatik të Anglisë. Vendimi i trajnerit gjerman për ta tërhequr skuadrën në mbrojtje, pasi kishte kaluar në epërsi, rezultoi fatal. Gordon e kaloi Anglinë përpara në rezultat, por trajneri gjerman largoi nga fusha disa prej lojtarëve me profil sulmues dhe kaloi në një sistem me pesë mbrojtës, duke aktivizuar Ezri Konsan.

Lineker u shpreh i habitur nga mënyra se si Anglia i dorëzoi iniciativën kundërshtarit, duke i lejuar Lionel Mesit dhe shokëve të tij të ushtronin presion. “Shënuam golin dhe më pas u tërhoqëm shumë prapa.

Zëvendësimet që ai bëri e tërhoqën skuadrën edhe më thellë. Kaloi në një mbrojtje me pesë lojtarë dhe vendosi të luante me bllok të ulët kundër një skuadre që është shumë e mirë përballë një sistemi të tillë. Për mua, kjo nuk kishte aspak kuptim – deklaroi Lineker -.

Nga aspekti taktik ishte e pabesueshme, për të qenë plotësisht i sinqertë. Ishte një lëvizje negative. Të gjithë po e shikonim të njëjtën ndeshje dhe po thoshim të njëjtën gjë”.

Ish-sulmuesi i Anglisë kritikoi edhe mënyrën se si skuadra e Tuhel e mbrojti Mesin. “Po luan kundër futbollistit më të mirë që ka ekzistuar ndonjëherë. Duhet t’i afrohesh dhe të mos i japësh hapësirë. Ai dërgoi top pas topi në zonën e rreptësisë. Për mua, mënyra se si u veprua ishte absolutisht e pakuptueshme.”

PANORAMASPORT.AL

---