Barazim i vakët pa gola në “Arenën e Demave” mes Partizanit dhe Teutës, ne duelin e vlefshëm për javën e dytë të Kategorisë Superiore. Rastet e rrezikshme në këtë përballje ishin me pikatore, teksa të dyja skuadrat duket se u kënaqën me pikën e marrë. 

 

Dy mbrojtësit Jazxhi i Teutës dhe Sembene i Partizanit, lanë fushën e lojës të dëmtuar, duke bërë me “dhimbje koke”, trajnerët respektivë. 

Për Partizanit kjo ishte pika e katërt, pas triumfit ndaj Vorës, ndërkohë që për Teutën, ishte pika e parë, pasi në duelin e javës së parë ishte pushim, për t’i dhënë kohë Dinamos, në arenën Europiane.  

Në duelet e javës së tretë, Partizani do të përballet me Vllazninë në transfertë, ndërsa Teuta luan fillimisht me Dinamon, më 5 shtator ndeshjen e prapambetur ndaj Dinamos, ndërkohë që më pas pret Vorën.  

FT: PARTIZANI-TEUTA 0-0

KOMENTI LIVE:

90′ Akordohen 5 minutes shtesë.

87′ Momente tensioni, Skuka ndëshkohet me karton të verdhë. Irritohen tifozët e Partizanit. (VIDEO) 

83′ Zëvendësim i dytë te Teuta, largohet Beshiraj, vendin e tij e merr Myszor.

73′ Atanaskovski është i ndëshkuari i radhës me karton të verdhë për ndërhyrje të gabuar.

72′ Zëvendësim i detyruar te Partizani, largohet Sembene i dëmtuar, vendin e tij e merr Janjeva.

69′ Moment i zëvendësimeve, largohet Mehmeti, Qokthi dhe Isgandarli, në lojë, Shanaj, Buxhelaj dhe Garsia.

55′ Minuta të qeta, rastet e rrezikshme në portat respektive kanë qenë me pikatore deri në këto momente.

46′ Gudjufi ndëshkohet me karton të verdhë për ndërhyrje të gabuar ndaj Dokës.

46′ Pjesa e dytë nis me zëvendësim te Partizani, largohet Malaj, vendin e tij e merr Skuka.

Mbyllet pjesa e parë! 

45′ Akordohen 3 minuta shtesë!

41′ Harkim i bukur nga e djathta për Partizanin, por Sembene nuk i gjen kohën topit për ta devijuar drejt rrjetës, duke u futur vetë në portë. (VIDEO) 

39′ Shans i artë për Partizanin, Gudjufi shpërdoron një mundësi të shkëlqyer shënimi. Nuk i beson syve Milinkoviç. Sulmusi nuk koordinohet siç duhet shumë pranë portës. (VIDEO) 

37′ Boçi kroson nga goditja e këndit, por topi shkon drejt e në duart e portierit Pano Qirko.

30′ Ndalesa të shumta të lojës për shkak të dëmtimeve.

27′ Faulle të shumta në mesfushë nga të dyja skuadrat.

23′ Zela është i ndëshkuari i parë i sfidës me karton të verdhë për ndërhyrje të gabuar ndaj Prekës.

16′ Aksion i bukur i Teutës, që i afrohet golit të avantazhit, me një zbritje të shpejtë, provon Boçi, por sinjalizohet pozicion jashtë loje. (VIDEO) 

15′ Zëvendësim i detyruar te Teuta, mbrojtësi Jazxhi la fushën e lojës i dëmtuar, vendin e tij e merr Zhongo.

8′ Jazxhi provon me kokë pas një harkimi nga këndi, topi shkon mbi traun e portës së mbrojtur nga Qirko. (VIDEO) 

7′ Drithërima në portën e Partizanit, Sembene për pak sa nuk shkakton autogol. Goditje nga këndi për Teutën. (VIDEO) 

4′ Më kërkues Partizani në këto minuta të para, provon Mehmeti me kokë, topi shkon në duart e portieri Selmani, por gjyqtari sinjalizon për pozicion jashtë loje.

1′ Starton sfida!

FORMACIONET ZYRTARE

PARTIZANI: Qirko, Atanaskoski, Preka, Sembene, Bytyçi, Mehmeti, Ismaili, Malaj, Qokthi, Gudjufi, Isgandarli.
Trajner: Mladen Milinkoviç

TEUTA: Selmani, Jazxhi, Kotobelli, Përgjoni, Doka, Toli, Maçolli, Boçi, David, Beshiraj, Zela.
Trajner: Enkelejd Dobi

PANORAMASPORT.AL

---