Partizani regjistron katër humbje radhazi në kampionat. Ndaj Vllaznisë ishte e fundit në Shkodër me rezultatin 2-0. 

“Demat” nuk e kanë shkëlqimin e vitit të kaluar pas ikjes së katër lojtarëve kyç, konkretisht Hadroj, Cara, Rrapaj dhe Mba.

Dhe pse janë afruar lojtarë që supozohet të shërbejnë si zëvendësuesit e tyre, merkato e dimrit deri tani rezulton larg pritshmërive. Ndaj Vllaznisë u aktivizua vetëm Gudjufi nga afrimet e merkatos së fundit.

Eleke, Vujnoviç dhe Çipi nuk ndodheshin as në stol. Padstrelau dhe Atanaskoski në anën tjetër nuk morën minuta.

Plot shtatë lojtarë u afruan në merkaton e janarit. Kazim Ogunleje është i fundit me zyrtarizimin që erdhi dje. Frytet e afrimeve priten në vijim, ndërsa koha është kundër Partizanit që rrezikon vendin në Final Four.

PANORAMASPORT.AL

---