Besa ka zyrtarizuar afrimin e dytë në këtë merkato vere. Klubi kavajas ka siguruar shërbimet e mesfushorit difensiv Adah Danladi, i cili ka firmosur një kontratë dyvjeçare me verdhezinjtë.

Nigeriani vjen pas tre sezonesh të kaluara te Pogradeci, ku ishte një nga lojtarët më të rëndësishëm të skuadrës. Vetëm në sezonin e fundit, Danladi kontribuoi me 2 gola dhe 4 asistime, teksa një prej golave të tij erdhi pikërisht ndaj Besës.

Aventura e tij te liqenorët është mbyllur këtë verë. Tashmë, Danladi nis një kapitull të ri në Kavajë, ku bëhet afrimi i dytë i Besës pas Fatmir Prengës.

PANORAMASPORT.AL

---