Valentino Murataj pritet të zyrtarizohet nga Partizani në vijim, siç “Panorama Sport” raportoi dje ekskluzivisht. Mesfushori ndau dje rrugët nga Flamurtari dhe dëshira e madhe mbetet kthimi në shtëpi.

Këtë e ka treguar edhe me veprimin e fundit në rrjetet sociale. Ish-kapiteni i “demave” është kujdesur që të kthejë disa prej postimeve ku numëron paraqitje me fanellën e kuqe.

Ndër të tjerë bie në sy festa te titulli i fundit kampion në vitin 2023, por edhe ndeshjet derbi me Tiranën. Me kryeqytetasit numëron plot 144 ndeshje.

29-vjeçari do të bëhej përforcimi i dytë për mesfushën në merkaton e janarit, pas Kamer Qakës. Të kuqtë kanë transferuar po ashtu Seku Sidiben për sulmin.

PANORAMASPORT.AL

---