Tirana ka probleme për përballjen e ardhshme ndaj Vorës, pasi dy prej lojtarëve kryesorë, Redon Xhixha dhe Serzh Tabeku, u detyruan të lënë fushën para kohe në ndeshjen e fundit.

Situata e tyre do të vlerësohet gjatë javës, dhe stafi teknik do të presë deri në minutat e fundit para ndeshjes për të vendosur nëse do të jenë në dispozicion për sfidën ndaj Vorës. Redon Xhixha kishte luajtur me shqetësime fizike, por kishte sakrifikuar për të ndihmuar skuadrën, ndërsa Serzh Tabeku, pas një dëmtimi të mëparshëm dhe disa ditë pa stërvitje, ishte aktivizuar gjithashtu me terapi speciale.

Të dy lojtarët mbeten pjesë kyçe për strategjinë e trajnerit Orges Shehi, dhe rikthimi i tyre mund të ketë ndikim vendimtar në rendimentin e ekipit në transfertë. Skuadra do të monitorojë gjendjen e tyre deri në ditën e ndeshjes, duke vendosur në bazë të gjendjes fizike të lojtarëve dhe rrezikut të dëmtimeve të reja.

Përballja me Vorën pritet të jetë një test i rëndësishëm për thellësinë e stolit të Tiranës dhe për aftësinë e trajnerit për të menaxhuar mungesat e mundshme.

PANORAMASPORT.AL

---