Për këtë sfidë delikate ndaj Flamurtarit, Tirana pritet të zbresë në fushë me një formacion që synon më shumë balancë dhe kontroll në mesfushë, pa rrezikuar shumë në fazën mbrojtëse. Ky rreshtim sugjeron një skemë të afërt me 4-2-3-1, ku dy mesfushorët shkatërrues, Rafael dhe Mysloviç, do të kenë detyrën të mbrojnë prapavijën dhe të ndërpresin aksionet kundërshtare.

Përpara tyre, Alvarez pritet të jetë organizatori kryesor i lojës, duke lidhur repartin e mesfushës me sulmin. Në krahë, Tabeku dhe Haxhiu pritet të japin shpejtësi dhe të kërkojnë depërtime, ndërsa në qendër të sulmit dilema mbetet mes Mehmetit dhe Xhixhës. Ky i fundit ofron më shumë eksperiencë dhe instinkt para portës, ndaj nuk përjashtohet që të jetë zgjedhja e parë në një ndeshje kaq të rëndësishme.

Në mbrojtje, katërshja Vera–Halili–Kortez–Ndong duhet të tregojë përqendrim maksimal, pasi çdo gabim mund të ndëshkohet në një ndeshje ku pritet të ketë pak raste. Roli i Bekajt në portë do të jetë gjithashtu vendimtar, sidomos në menaxhimin e momenteve të presionit. Në tërësi, ky formacion tregon një Tiranë më të kujdesshme, që synon fillimisht të mos pësojë dhe më pas të godasë në kundërsulm ose nëpërmjet episodeve. Në një sfidë ku detajet bëjnë diferencën, organizimi dhe disiplina taktike pritet të jenë çelësi për bardheblutë.

Tirana: Bekaj; Vera, Halili, Kortez, Ndong; Rafael, Mysloviç; Alvarez; Tabeku, Mehmeti, Haxhiu(Xhixha)

PANORAMASPORT.AL

---