Nelia Kabetaj, çiklistja e talentuar e Shqipërisë, ka shënuar një tjetër rezultat të shkëlqyer në arenën ndërkombëtare. Vetëm pak ditë pasi festoi ditëlindjen e 19-të, Nelia Kabetaj ka festuar edhe në Kampionatin Bllkanik, teksa ka triumfuar në disiplinën “MTB XCO” për kategorinë elitë.

Kabetej tregoi në nivel të lartë pedalimi në një garë që zhvillohet në terren të vështirë, duke mertuar kështu medaljen e artë në eventin e zhvilluar të shtunën në Rumani. Një rezultat, të cilin Federata Shqiptare e Çiklizmit e quan historik, duke e vlerësuar si arritje të jashtëzakonshme, teksa në faqen e saj në rrjetet sociale, FSHÇ shkruan: “Kampionia jonë! Më 20 shtator 2025, në Campulung, Rumani, Nelia Kabetaj shkëlqeu në skenën ndërkombëtare duke fituar medaljen e artë dhe u shpall Kampione Ballkani në kategorinë Elite – MTB XCO!

Ky sukses i jashtëzakonshëm nuk është thjesht një medalje – është dëshmi e forcës, përkushtimit dhe pasionit për sportin. Nelia na tregoi se me punë të palodhur dhe besim, gjithçka është e mundur. Një ditë historike për çiklizmin shqiptar, një frymëzim për brezat e rinj dhe një krenari për Shqipërinë!”, shkruhet në njoftimin e Federatës Shqiptare të Çiklizmit. Ndonëse në moshë shumë të re, Nelia Kabetaj prej dsa vitesh përfaqëson me sukses Shqipërinë në aktivitetet rajoneve të çiklzimit.

PANORAMASPORT.AL

---