Egnatia barazoi me Petrokub në transfertë në Moldavi në ndeshjen e turit të parë të Ligës së Kampioneve. Në përfundim të sfidës që u mbyll me shifrat 1-1, trajneri i vendasve, Shota Makharadze, u shpreh besimplotë se ekipi i tij mund të vazhdonte më tej edhe pse nuk fitoi në shtëpi.

“Ka një model përsëritës në këtë rezultat. Duhet ta pranojmë. Nëse nuk e bëjmë, nuk do të shkojmë më tej.

E nisëm ndeshjen shumë mirë dhe në mënyrë agresive, duke shënuar një gol të mirë dhe të rëndësishëm në minutën e parë. Kundërshtari pati një karton të kuq për pjesën e dytë. Mund të thuhet se gjithçka ishte në anën tonë. Gjithashtu e nisëm pjesën e dytë në mënyrë shumë agresive, duke krijuar raste njëri pas tjetrit.

Por kur gola të tillë nuk shënohen, është për shkakun tonë. Kryesisht për shkakun tim dhe pastaj për shkak të të gjithë ekipit. Do ta rregullojmë. Kemi kohë.

Ka arsye pse jam i bindur se do të fitojmë. Pas ndeshjes së sotme, e kuptoj që thjesht duhet të jemi pak më agresivë dhe të përkushtuar. Por sot krijuam rastet që duhet t’i kishim shfrytëzuar.

Pse skuadra u tërhoq pas golit? Loja u përcaktua nga rezultati. Shënuam golin që na duhej sot. Sigurisht, donim të shënonim një gol të dytë. Por kundërshtari nuk na lejoi.

A bllokoi goli? Si mund të na pengonte? Përkundrazi, kur shënon në minutën e parë, të jep vrull dhe besim. Por duhet të pranosh se kundërshtari është një ekip shumë i mirë. Ata kanë lojtarë të mirë dhe një lojë të organizuar mirë. Ne e dinim këtë dhe e kuptonim kundër kujt po luanim.

Patëm raste të qarta që duhet t’i kishim shfrytëzuar. Por nuk ka kuptim të mërzitemi tani. Duhet ta njohim, ta pranojmë dhe ta kalojmë. Do të kemi një javë të vështirë, por kemi besim se do ta bëjmë çdo gjë siç duhet”, tha Makharadze.

PANORAMASPORT.AL

---