Çiklizmi profesionist regjistroi më pak raste dopingu në vitin 2025. Ishin 20 rezultate pozitive të konfirmuara mes çiklistëve profesionistë, sipas shifrave më të fundit të besueshmërisë nga MPCC (Lëvizja për Çiklizëm të Besueshëm), përforcojnë një trend rënës që është konsoliduar në sezonet e fundit. Në vitin 2022 u regjistruan 29 raste publike.

Kjo rënie forcon perceptimin se dyrrotaku është larguar gradualisht nga kapitujt më të errët të së kaluarës së tij. Në shkallë globale, çiklizmi renditet në vendin e dhjetë për numrin total të rasteve të dopingu dhe mashtrimit sportiv gjatë vitit të kaluar. Atletika kryeson listën me 163 raste, e ndjekur nga peshëngritja me 63 dhe tenisi me 46, përfshirë 27 të lidhura me mashtrim sportiv. Për një sport që për vite me radhë është konsideruar hallka më e dobët e sportit elitar, ky ndryshim është i dukshëm.

MPCC është një organizatë vullnetare e përbërë nga skuadra, sponsorë dhe drejtues që promovon rregulla më të rrepta antidoping dhe një çiklizëm më të pastër. Megjithatë, pavarësisht shifrave pozitive, ajo shmang çdo eufori. Paralajmërimi fokusohet në dy fronte: “zhvillimin e ndjeshëm të disa praktikave mjekësore të njohura si ‘zona gri’ në elitë” dhe format më tradicionale të dopingu, “veçanërisht në nivelin kontinental”.

Raporti thekson gjithashtu se për herë të parë në dy vjet, një çiklist i “World Tour” u pezullua pas zbulimit të parregullsive në pasaportën e tij biologjike, të cilën e përkufizon si “një nga shtyllat kryesore në luftën kundër dopingu”. Bëhet fjalë për Oier Lazkano, i cili sezonin e kaluar garoi me Red Bull-BORAHansgrohe.

Parregullsitë që çuan në këtë rast datojnë mes viteve 2022 dhe 2024, kur spanjolli garonte me ekipin Movistar. Megjithatë, pak raste në kategorinë më të lartë nuk do të thonë pastërti absolute. “Edhe pse relativisht pak çiklistë të Turit Botëror kanë rezultuar pozitivë vitet e fundit, kjo nuk do të thotë se elita e sportit tonë është 100% e pastër”, paralajmëron MPCC.

PANORAMASPORT.AL

---