Tirana ka mbyllur zyrtarisht sezonin aktual dhe tashmë është fokusuar plotësisht te përgatitjet për edicionin e ri futbollistik. Klubi bardheblu pritet të rikthehet në fushë në muajin korrik, kur do të nisë faza përgatitore për sezonin e ardhshëm, me synimin për të ndërtuar një skuadër më konkurruese dhe më të qëndrueshme në të gjitha repartet. Sipas planit të stafit teknik, ekipi do të vijojë stërvitjet në kryeqytet deri në fund të muajit maj, duke mbajtur një ritëm të kontrolluar pune, kryesisht për të ruajtur formën fizike të lojtarëve dhe për të mos humbur vazhdimësinë pas mbylljes së kampionatit.

Më pas, skuadra do të kalojë në një periudhë pushimi gjatë muajit qershor, për t’u rikthyer sërish me një program më intensiv përgatitor në korrik. Në këtë fazë tranzitore, një rol të rëndësishëm e luan edhe stabiliteti i grupit aktual. Deri tani, janë konfi rmuar si pjesë e skuadrës për sezonin e ardhshëm disa lojtarë që kanë kontrata aktive me klubin, përfshirë Bekaj, Vera, Ndong, Patrik, Tabeku, Alvarez dhe Kortez, pa harruar këtu edhe Rendon Xhixhën.

Këta futbollistë pritet të jenë boshti i ekipit në nisjen e përgatitjeve, duke i dhënë trajnerit një bazë të qëndrueshme mbi të cilën mund të ndërtohet strategjia e re. Te Tirana, fokusi kryesor mbetet organizimi i grupit dhe vlerësimi i performancës së sezonit që u mbyll, me qëllim për të identifi kuar pikat e forta dhe ato që kërkojnë përmirësim. Drejtuesit e klubit pritet të jenë aktivë edhe në merkato, duke synuar përforcime cilësore në repartet ku skuadra ka pasur luhatje gjatë kampionatit.

Nga ana tjetër, ruajtja e pjesës bazë të ekipit shihet si një hap i rëndësishëm për vazhdimësinë dhe stabilitetin teknik. Lojtarët e konfi rmuar pritet të luajnë një rol kyç në fazën përgatitore, ndërsa stafi do të vlerësojë gjatë javëve të ardhshme edhe mundësinë e afrimeve të reja dhe largimeve të mundshme. Në përgjithësi, atmosfera në kampin bardheblu mbetet e qetë, por me pritshmëri të larta për sezonin e ardhshëm, ku objektivi është rikthimi në nivelet më të larta të garës dhe konkurrimi për trofe. Përgatitja e verës shihet si vendimtar për të vendosur ritmin dhe ambiciet e klubit në edicionin e ri.

OLSI AVDIAJ-PANORAMASPORT.AL

---