Lajmi i bujshëm dje ishte që Orges Shehi do të marrë vendin e trajnerit Edi Martini te Vllaznia, në rast se ky i fundit nuk ia dal të fitojë ndeshjen me Tiranën.

I kontaktuar nga “Panorama Sport”, Shehi ka mohuar kontaktet me kuqeblutë. Kështu trajneri durrsak konfirmon se nuk ka asgjë të vërtetë për kalimin e tij në Shkodër.

Vetë Shehi ishte për herë të fundit pjesë e Ballkanit, ndërsa u largua duke i lënë suharekasit në pozita komode. Tashmë Ballkani vijon rrugëtimin e tij duke kryesuar Superligën e Kosovës.

Vllaznia ndërkohë ka harruar si fitohet në kampionat. Sfida e radhës për ta është në transfertën e Tiranës, më 20 dhjetor ora 13:30.

PANORAMASPORT.AL

---