Ndeshjet e Kombëtares i kanë dhënë mundësi Dinamos që të marrë disa ditë pushim, pasi këtë muaj ka pasur një kalendar të ngjeshur.

Veç ndeshjeve të planifikuara sipas kalendarit, Dinamo ka luajtur edhe ndeshjen e prapambetur ndaj Teutës, ndërkohë që skuadra ka pushuar 3 ditë. Ditën e sotme, ekipi do të rikthehet në stërvitje, por me mungesa të rëndësishme.

Naser Aliji është grumbulluar nga Shqipëria, teksa Bjorni Duka do të jetë me Shqipërinë U19. I grumbulluar nga Kosova U21, është edhe Hekuran Berisha, duke e çuar në 3 numrin e mungesave për skuadrën e drejtuar nga Ilir Daja. Ndeshjen e radhës, “nëndetësja” e luan ndaj Egnatias në Rrogozhinë.

PANORAMASPORT.AL

---