Derbi Tirana-Partizani, që u fitua 2 me 1 nga bardheblutë, nuk kaloi pa incidente. Në “Air Albania” pati edhe gushta, që sollën ndërprerjen e sfidës. Po ashtu nuk munguan as lëndët piroteknike dhe dëmet mateteriale. Për këtë, Drejtoria Vendore e Policisë Tiranë, arrestoi tre shtetas.

J. L, 23 vjeç, dyshohet se goditi një punonjës të sigurisë. K. A, 22 vjeç, dyshohet se hodhi lëndë piroteknike. G. C, 18 vjeç, dyshohet se ka thyer stola.

Njoftimi i Drejtorisë Vendore të Policisë Tiranë:

Specialistët për Hetimin e Krimeve të Komisariatit të Policisë Nr. 1 arrestuan shtetasit:

-J. L., 23 vjeç, pasi dyshohet se ka goditur punonjësit e sigurisë, gjatë ndeshjes së futbollit “Tirana–Partizani”;

-K. A., 22 vjeç, pasi dyshohet se ka hedhur lëndë piroteknike gjatë ndeshjes së futbollit “Tirana–Partizani”;

-G. C., 18 vjeç, pasi dyshohet se ka thyer stola, në tribunat e stadiumit, gjatë ndeshjes së futbollit “Tirana–Partizani”.

PANORAMASPORT.AL

---