Zguro firmosi me rivalët, Korabi: Na tha që do shkonte në Amerikë
Historitë interesante për t’u treguar dhe dëgjuar në futbollin shqiptar nuk kanë fund. Klubi i Korabit, me anë të një reagimi në faqen zyrtare në Facebook, ka zbuluar një prapaskenë mjaft interesante të transferimit të mesfushorit Vangjel Zguro te Luftëtari.
Dibranët tregojnë se futbollistit iu dorëzua dokumentacioni dhe u la i lirë sepse ishte justifikuar që do të largohej drejt Amerikës. Por ndërsa drejtuesit e klubit të Korabit i uronin Zguros fat në kapitullin e ri të jetës së tij, “ëndrra amerikane” e mesfushorit kishte qënë Gjirokastra, pasi para dy ditësh ai firmosi kontratë me Luftëtarin, një rival direkt i dibranëve në luftën për mbijetesë në Superiore.
Postimi i plotë i Korabit në Facebook
“Duke marre shkas nga mediat vizive dhe portalet e ndryshme soprtive, KF Korabi deshiron te informoje sportdashesit Dibran rreth levizjeve ne ekip. I vetmi lojtar qe eshte larguar zyrtarisht nga ekipi eshte Vangjel Zguro i cili terhoqi dokumentat me pretekstin qe dua te largohem per Amerike, asnje lojtar tjeter nuk eshte larguar nga ekipi. Bejme me dije qe ne ditet e para te janarit 2017 do te mblidhet stafi i klubit per te vendosur per merkaton, per afrimet dhe firot qe do largohen. Cdo levizje zyrtare do te publikohet tek faqja zyrtare e KF Korabit.”
NDIQE LIVE "PANORAMA TV"