VIDEO/ Nuk ka vetëm sherre në Kategorinë e Dytë, kapiteni i Luftëtarit i magjeps të gjithë me golin
Javët e fundit, Kategoria e Dytë është bërë protagoniste duke dhuruar për sytë e shikuesve disa episode sherresh jo të hijshme që ndodhin në fushën e lojës.
Ndërsa të gjithë mund të flasin për nivelin dhe sjelljen jo normale të lojtarëve, vëmendjen ka vendosë ta marrë kapiteni i Luftëtarit, Eldar Bathaj.
27-vjeçari ka shënuar ditën e sotme një prej golave më të bukur në futbollin shqiptar duke ekzekutuar mjeshtërisht një goditje të lirë. Ishte minuta e 21-të e takimit, kur Bathaj niset për të goditur, dhe sfera përfundon në trekëndëshin e portës së Naftëtarit.
Një supergol i shënuar nga kapiteni gjirokastrit që ka vendosur të eklispojë të gjitha problemet e sherret të ndodhura këtë javë duke i mahnitur ata pak të pranishëm që ishin në shkallët e stadiumit.
PANORAMASPORT.AL
NDIQE LIVE "PANORAMA TV"