Postuar: Mars 9, 2024 | 14:53
VIDEO/ Ekspert i penalltive me Koniasporin, Cikalleshi realizon dy herë. Edhe me “Panenka”
Pas Rei Manajt, ishte radha e Sokol Cikalleshit të shënonte në kampionatin turk ditën e sotme. Sulmuesi i Kombëtares shqiptare realizoi dy gola me Koniasporin, që po luan në fushën e vet kundër Adana Demirspor.
Edhe këtë herë goleadori kavajas shënoi nga pika e bardhë. Ishte minuta e shtatë kur Konya fitoi një penallti, të cilën sulmuesi kuqezi e shndërroi në gol. I dhjeti sezonal në kampionat për 32-vjeçarin.
Por bomberi shqiptar nuk u ndal me kaq. Pasi miqtë barazuan rezultatin, ai sërish ktheu në avantazh skuadrën e tij dhe përsëri e bën nga pika e bardhë, por kësaj here me “Panenka”.
PANORAMASPORT.AL
NDIQE LIVE "PANORAMA TV"