VIDEO / 3 vite nga mbrëmja e paharruar e Beogradit, ja ku janë sot heronjtë e Kombëtares
Si sot 3 vite më parë kombëtarja shqiptare e futbollit përjetoi një nga mbrëmjet më të paharruara në historinë e saj. Ndeshja e kualifikueseve të Kampionatit Europian përballë Serbisë në Beograd u luajt deri në minutën e 42-të dhe më pas u ndërpre për shkak të një dhune dhe kaosi që shpërtheu në stadium nga tifozët vendas.
Një dron fluturoi mbi impiantin ku luhej takimi dhe mbante të varur flamurin e famshëm “AUTOCHTHONOUS” me hartën e Shqipërisë Etnike dhe figurat e Ismail Qemalit dhe Isa Boletinit. Kjo vepër e realizuar nga Ismail Morina, i njohur si Ballisti, ishte momenti final i takimit të luajtur në fushë.
Të provokuar nga ky veprim, tifozët vendas që deri në atë moment kishin ushtruar të gjitha format e racizmit, e humbën kontrollin dhe arritën të kalonin të gjitha masat e sigurisë duke u futur brenda në fushë ku u përleshën me futbollistët shqiptarë.
Pas tre vitesh, ja ku ndodhen sot heronjtë kuqezinj të asaj mbrëmjeje:
Etrit Berisha – Futbollist i Atalantës
Elseid Hysaj – Futbollist i Napolit
Lorik Cana – Është tërhequr nga futbolli
Mërgim Mavraj – Futbollist i Hamburgut
Ansi Agolli – Futbollist i Karabagut
Burim Kukeli – Futbollist i Sionit
Taulant Xhaka – Futbollist i Bazelit
Amir Abrashi – Futbollist i Frajburgut
Andi Lila – Futbollist i Janinës
Ermir Lenjani – Futbollist i Sionit
Bekim Balaj – Futbollist i Akhmat Groznit
Xhani De Biazi – Trajner i Alaves në Spanjë
Ismail “Ballist” Morina – I arrestuar në Kroaci, rrezikon ekstradimin në Serbi
NDIQE LIVE "PANORAMA TV"