Ish-trajneri i Anglisë, Sven-Goran Erikson i shtangu të gjithë përpara një muaj, kur zbuloi se ishte diagnostikuar me kancer dhe se nuk do të jetonte për shumë gjatë.

Në një intervistë për “The Sun”, 75-vjeçari suedez u shpreh se i vjen keq që nuk realizoi kurrë ëndrrën e tij, për të drejtuar Liverpulin.

Gjithsesi klubi i kuq ka zgjedhur që këtë ëndërr t’ia bëjë realitet, me “Reds”-at që do të zhvillojnë një sfidë miqësore për bamirësi mes legjendave të veta dhe atyre të Ajaksit më 23 mars.

Dhe pikërisht në këtë takim, klubi ka zgjedhur që skuadrën e legjendave të Liverpul ta drejtojë pikërisht Erikson.

“Ne jemi të lumtur t’iu konfirmojmë që Sven-Goran Erikson do të jetë pjesë e stafit drejtues të Legjendave të Liverpul në ndeshjen kundër Legjendave të Ajaks në ‘Anfield’ më 23 mars”, shkruan klubi gjigand anglez.

We are delighted to confirm Sven-Goran Eriksson will be part of the #LFCLegends management team for the game against Ajax Legends at Anfield ?

More info: https://t.co/qzBKmm4Htd pic.twitter.com/xsWr4KYUKf

— Liverpool FC (@LFC) February 13, 2024

Erikson ka shpenzuar 42 vite si trajner dhe çoi Anglinë në çerekfinalet e Botërorëve të 2002-shit dhe 2006-ës, dhe gjithashtu në çerekfinalet e “Euro 2004”. Suedezi ka drejtuar gjithashtu klube si Mançester Siti dhe Leistër në Angli, teksa suksesin më të madh e ka pasur me Lacion, duke fituar 7 trofe, përfshirë titullin e Serisë A në vitin 2000.

PANORAMASPORT.AL

NDIQE LIVE "PANORAMA TV"

---