Postuar: Gusht 29, 2022 | 20:45
Turneu në Maqedoni/ Skënderbeu shkëlqen me moshat, bie në sy Joel Krekas
Skënderbeu është aktiv edhe me akademitë. Së fundmi grupmosha e datëlindjes 2014 ka marrë pjesë në një turne për të rinjtë të zhvilluar në Maqedoni dhe ka arritur të fitojë dy ndeshje.
Midis pjesëmarrësve në këtë turne kanë qenë Skënderbeu, Vllaznimi, Akademija Pandev, QS Prishtina, Pelisteri dhe disa akademi vendëse. Qëllimi i aktivitetit ka qenë për t’u dhënë sadopak eksperiencë këtyre të rinjve që mund t’u shërbejë në të ardhmen.
Skënderbeu ka fituar dy ndeshje, një prej të cilave 7-0. Mes lojtarëve që ka spikatur ka qenë edhe mesfushori organizator Joel Krekas. Ai ka shënuar dy gola në dy ndeshjet e fituara nga të rinjtë korçarë.
PANORAMASPORT.AL
NDIQE LIVE "PANORAMA TV"