Tre skuadra udhëheqin me pikë të barabarta në Grupin B të Kategorisë së Dytë, pas përfundimit të javës së 11-të. Bëhet fjalë për Maliqin, Shkumbinin dhe Devollin.

Pritet një luftë tepër e ashpër në këtë grup, ku favoritja kryesore padyshim është Shkumbini. Kujtojmë që peqinasve iu zbritën 3 pikë nga Komisioni i Disiplinës disa javë më parë, për dhunë të ushtruar ndaj gjyqtarit në sfidën ndaj Naftëtarit.

Në ndjekje të kryesuesve është vënë dhe Albpetroli që në 11-javë ka arritur të sigurojë 21 pikë. 4 më pak se skuadrat e kreut. Për sa i përket fundit të renditjes, Naftëtari duket në një krizë të thellë.

Skuadra kuçovare mbyll tabelën me vetëm 4 pikë. Diferenca me vendin e parafundit që mbahet nga Përmeti është 5 pikë, teksa Naftëtarit i duhet një mrekulli në fazën e dytë, për t’iu larguar fundit dhe për të shpëtuar rënien në Kategorinë e Tretë.
RENDITJA, KATEGORIA E DYTË, GRUPI B: 

1. Maliqi 25 pikë (22-7)
2. Shkumbini 25 pikë (21-6)
3. Devolli 25 pikë (16-5)
4. Albpetroli 21 pikë (18-10)
5. Këlcyra 19 pikë (17-15)
6. Memaliaj 16 pikë (21-17)
7. Skrapari 16 pikë (11-14)
8. Tepelena 13 pikë (14-18)
9. Termi 11 pikë (18-27)
10. Delvina 11 pikë (13-22)
11. Butrinti 10 pikë (21-20)
12. Gramozi 10 pikë (7-17)
13. Përmeti 9 pikë (8-15)
14. Naftëtari 4 pikë (8-21)

 

NDIQE LIVE "PANORAMA TV"

---