Gentian Cici hedh një tjetër hap të rëndësishëm në karrierën e tij. Gjyqtari ndërkombëtar i basketbollit shqiptar, i cili ka një eksperiencë të madhe në arenën ndërkombëtare, tashmë do të jetë pjesë e eventit më të rëndësishëm botëror të basketbollit për meshkuj, siç është kampionat botëror që do të mbahet këtë verë në Kinë.

Cici do të jetë njëri prej 56 gjyqtarëve që do të drejtojnë sfidat e këtij kompeticioni, të cilat startojnë më 31 gusht e do të mbyllen më datë 15 shtator. Arbitri shqiptar është përzgjedhur në listën e 20 arbitrave më të mirë nga Europa. Kujtojmë se Gentian Cici ka qenë rregullisht i pranishëm në sfidat kualifikuese të kombëtareve europiane për Botërorin e Kinës.

Kështu, Botërori i basketbollit “Kinë 2019” do të ketë edhe një përfaqësues nga Shqipëria. Gentian Cici bëhet përfaqësuesi më i denjë i Shqipërisë në arenën ndërkombëtare të basketbollit, aty ku rezultatet e ekipeve tona kombëtare kanë qenë tepër zhgënjyese vitet e fundit.

PANORAMASPORT.AL

NDIQE LIVE "PANORAMA TV"

---