Ndryshon renditja në Kategorinë e Dytë pas përjashtimit të Këlcyrës, klubeve u hiqen pikët
Renditja e Grupit B të Kategorisë së Dytë ka pësuar ndryshime pas vendimit të djeshëm të Komisionit të Disiplinës. Rregullorja e thotë qartë se kur nuk janë luajtur 50+1% të ndeshjeve, kur largohet nga kampionati një skuadër, atëherë atyre ekipeve që janë ndeshur deri në atë moment me skuadrën që ikin, u hiqen pikët nga renditja.
Më të penalizuara pa dyshim që janë ekipet që kanë fituar ndaj Këlcyrës. Njërës prej tyre që mund t’i kushtojë shumë është edhe Orikumi. Madje, skuadra bregdetare kishte fituar 2-1 në Këlcyrë dhe nga 25 pikë që kishte së bashku me Albpetrolin dhe Elbasanin në krye, zbret në vendin e 3-të.
Edhe Elbasanit i hiqet një pikë pas barazimit në Këlcyrë. Më e favorizuar duket Albpetroli që do të luante këtë fundjavë një transfertë shumë të vështirë.
