Vllaznia dhe Laçi janë përballur sot në një ndeshje miqësore në stadiumin “Loro Boriçi”, si pjesë të përgatitjeve të dy skuadrave për edicionin e ri. Të dy skuadrat janë rivale në këtë sezon, me objektiva të qartë për të kërkuar një vend në katërshen e atyre që do të pretendojnë për titullin dhe vendin në Europë.

Pjesa e parë u mbyll me shifrat 1-0 për shkodranët, me golin e Malës, por edhe me një penalti të humbur nga miqtë. Ndërkohë, në pjesën e dytë ishte Laçi që përmbysi shifrat, duke shënuar 3 herë në portën shkodrane me Bajramajn i cili barazoi shifrat e më Ujkën i cili tundi dy herë rrjetën.

Në fund, goli i Dodev vulosi rezultatin 3-2 për ekipin kurbinas, i cili ashtu si vendasit, provoi thuajse të gjithë lojtarët që kishte në dispozicion për të parë gjendjen e tyre në këtë pikë të përgatitjeve.

VLLAZNIA-LAÇI 2-3
Mala 38’, Dodev 89’/ Bajramaj 46’, Ujka 82’, 84’

PANORAMASPORT.AL

NDIQE LIVE "PANORAMA TV"

---