Luajnë në Patos, flet trajneri i Luftëtarit: Ndeshje jetike për ne!
Petraq Meçi e quan jetike për vazhdimësinë përballjen me Albpetrolin. Në prag të transfertës me patosarakët, trajneri i Luftëtarit për “Panorama Sport” thotë:
“Do jetë e vështirë me Albpetrolin, por edhe jetike. E respektojmë kundërshtarin, por në Patos udhëtojmë vetëm për një objektiv: fitoren. Nuk do të jetë një mision i lehtë, pasi patosarakët janë të fortë dhe mbi të gjitha ne kemi dy mungesa. Kapiteni Batha është i penalizuar dhe mesfushori Bellaj i dëmtuar.
Megjithatë, fryma e grupit dhe ditët e ndërprerjes së kampionatit na kanë dhënë një dorë më shumë për të përgatitur këtë 90-minutësh. Nëse marrim atë çka kërkojmë, do të futemi në rrugën e duhur për misionin që i kemi vënë vetes”.
TOMOR SHEHU – PANORAMASPORT.AL
NDIQE LIVE "PANORAMA TV"