Pas barazimit pa gola 0-0 ndaj Kastriotit në stadiumin “Niko Dovana”, trajneri i Teutës, Edi Martini pas ndeshjes është prononcuar në mikrofonat e “SuperSport” duke analizuar këtë takim:

“Pjesa e parë ishte e dobët, ishim agresiv edhe pse nuk shkuam tek goli. Ne e dinim që Kastrioti ishte i fortë dhe morëm këtë që bëmë sot. Ishte ndeshje që nuk ishte në ritmin e duhur, kishim tërheqje nga krahu i djathtë, loja nga krahët që ne e bëjmë më së miri nuk shkoi ashtu si duhet. Këto janë ndeshje që duhen marrë, fundja lamë dy pikë.

Kampionati është i gjatë, Bregu është një lojtar që sigurisht nuk do t’i nxjerri të gjitha ndeshjet, ne nuk kishim agresivitet dhe barazuam këtë sfidë. Teorikisht luhet sezoni për këtë javë, sepse luhet dhe Kupa dhe kampionati, sigurisht janë shumë pikë, por kishim një lloj nënvlerësimi sot nga ana jonë dhe ishte e pafalshme.

Në momentin që shoh që skuadra nuk më ndjek, nuk e shoh që jam shkaktari, ne punojmë si grup, kësaj pyetje i përgjigjen lojtarët. Kemi patur tre herë mundësi që të kapim vendin e parë por nuk kemi mundur, pengesa psikologjike është e madhe, skuadra duhet të mësojë sepse është edhe e re si grup.”

PANORAMASPORT.AL

NDIQE LIVE "PANORAMA TV"

---