FSHF ka reaguar orët e vona të mbrëmjes së sotme, për sa i përket takimit të presidentit Armand Duka ditën e sotme, me trajnerët e ekipeve Kombëtare, si dhe drejtorin e tyre, Xhemal Mustedanagiç.

Federata njofton se në analizën vjetore, drejtuesit shprehën pakënaqësinë e tyre për rezultatet tek moshat, sidomos tej ekipet U-17 dhe U-19, ku pritshmëritë kanë qenë edhe më të mëdha. FSHF do të vendosë në një moment të dytë rikonfirmimin ose jo të trajnerëve.

NJOFTIMI I FSHF

Presidenti i Federatës Shqiptare të Futbollit, Armand Duka ka zhvilluar ditën e hënë, në ambientet e FSHF, datë 9 dhjetor 2019, një analizë vjetore në lidhje me ekipet përfaqësuese të Shqipërisë.

Presidenti Duka dhe Sekretari i Përgjithshëm Ilir Shulku kanë thirrur në këtë analizë vjetore Drejtorin Teknik Dzemal Mustedanagic dhe të gjithë trajnerët e ngjyrave kuqezi, sëbashku me teknikët e femrave dhe grupmoshave të Shqipërisë. Drejtuesit më të lartë të FSHF bënë një përmbledhje dhe shprehën pakënaqësinë për rezultatet sidomos të U-17 dhe U-19 ku pritshmëritë e FSHF ishin më të mëdha.

Në analizë u diskutuan disa çështje që kanë çaluar gjatë kësaj periudhe. FSHF do të vendosë në një moment të dytë për rikonfirmimin në detyrë ose jo të trajnerëve.

PANORAMASPORT.AL

NDIQE LIVE "PANORAMA TV"

---