Laçi i plotë kundër Egnatias, Mirel Josa bën gati “grackën”
Laçi vjen më i plotë se kurrë në ndeshjen e sotme kundër Egnatias.
Pas rikthimit nga pezullimi të mbrojtësit të djathtë, Agan Mjaki, trajneri Mirel Josa do të ketë në dispozicion të gjithë grupin e futbollistëve. Nga mbrojtja në sulm ka disa dilema në formacion, me kreun e pankinës që mund të freskojë kryesisht repartin e mesfushës, ndërsa për herë të parë mund ta nisë nga stoli edhe sulmuesi anglez, Sobouale.
Ky i fundit ka qenë një titullar i padiskutueshëm këtë sezon, ndërsa ka shënuar 7 gola. Klubi afroi në janar kosovari Toni Salihu, i cili mund të marrë më shumë minuta kundër Egnatias. Josa është fokusuar më tepër tek ana taktike, teksa kërkon të ndalë furinë e sulmit rrogozhinas.
PANORAMASPORT.AL
NDIQE LIVE "PANORAMA TV"