Kategoria e Parë, Grupi A / Një shkodran i jep fitoren Kastriotit përballë Vllaznisë B, ndjek Besa
Katër ndeshjet e sotme në Grupin A të Kategorisë së Parë kanë prodhuar vetëm 3 gola dhe një prej tyre ka qenë ai i Kastriotit që ka siguruar një fitore të rëndësishme 1-0 në Shkodër përballë Vllaznisë B, duke ruajtur startin perfekt të sezonit.
Skuadra krutane ka dominuar përballë vendasve në ndeshjen e luajtur në “Reshit Rusi”, por kishte vështirësi të gjente rrjetën. Gjithçka u vendos vetëm në minutat e fundit, kur shkodrani Denis Dyca, i cili luan për krutanët, shënoi golin e vetëm të ndeshjes duke i dhënë tre pikët skuadrës së tij që kryeson e shkëputur nga ekipet e tjera.
E dyta në renditje tani është Besa, skuadra tjetër që ka gjetur sot rrugën e rrjetës në suksesin 2-0 përballë Tërbunit. Golat e Bibës dhe Kaloshit në secilën pjesë u mjaftuan kavajasve të cilët janë ngjitur në kuotën e 6 pikëve dhe duket se këtë edicion do të rreshtohen mes pretendentëve në luftën për Superioren në këtë grup.
Ndeshjet
Besa-Tërbuni 2-0
18′ Biba,77′ Kaloshi
Burreli-Dinamo 0-0
Egnatia-Korabi 0-0
Vllaznia B-Kastrioti 0-1
85′ Dyca
NESËR
Erzeni-Besëlidhja 14:00
NDIQE LIVE "PANORAMA TV"