Kategoria e Dytë, Grupi B/ Shkumbini luan tenis, Maliqi dhe Devolli bëjnë detyrën në shtëpi. Ja rezultatet
U luajtën sot 6 takimet e vlefshme për javën e 10-të të Kategorisë së Dytë, Grupi B, ku nuk munguan as rezultatet surprizë. Shkumbini mposhti me rezultatin tenistik 6-1 Delvinën duke vijuar kështu serinë e rezultateve positive.
Nuk kanë faluar as kryesuesit e Maliqit, të cilët janë rikthyer te fitorja, duke mposhtur me rezultatin 1-0 Tepelenën. Rezultat pozitiv edhe për Devollin që ka bërë detyrën në shtëpi duke mposhtur Termin 3-0.
Këlcyra i ka surprizuar të gjithë në shtëpi, teksa ka mposhtur Albpetronin me rezultatin 1-0, duke i nxjerrë këta të fundit nga gara për 2 vendet e para. Kujtojmë që patosarakët e nisën kampionatin si pretendentë, por 2 humbjet radhazi e kanë thelluar diferencën me kryesuesit e Maliqit.
Përballje mjaft interesante ishte dhe ajo mes Naftëtarit dhe Skrapari. Një “derbi” i vërtetë që u fitua nga miqëtë me rezultatin 1-2. Një tjetër humbje për kuçovarët që mbyllin fundin e renditjes. Në sfidat e tjera, Butrinti mposhti Gramozin 5-1, ndërkohë që Përmeti-Memaliaj u mbyll në barazim pa gola.
REZULTATET:
Shkumbini-Delvina 6-1
Shënues: Mustafaj 5’, 27’, Xhyra 20’, Xhuvani 22’ (autogol), Braculla 65’ (autogol), Ramazani 71’ / Mehmeti 58’ (p)
Maliqi-Tepelena 1-0
Shënues: Make 66’
Devolli-Term 3-0
Shënues: Nallbati 57’, Cane 71’, Pere 74’
Këlcyra-Albpetroli 1-0
Shënues: Matoshi 88’
Naftëtari-Skrapari 1-2
Shenues: Kërkuta 60’ / Guri 2’, Koroveshi 63’
Butrinti-Gramozi 5-1
Shenues: Ahmeti 5’, Myftari 40’, Dhrami 41’, Lloji 64’, Kolla 78’ / Kodra 90+1’
Përmeti-Memaliaj 0-0
NDIQE LIVE "PANORAMA TV"