Erkoçeviç largohet nga Vllaznia

Panorama Sport | Lajmet e fundit nga sporti

Postuar: Gusht 11, 2012 | 12:38

Erkoçeviç largohet nga Vllaznia

Lojtarët e rinj te Vllaznia nuk kanë shumë hapësira në formacionin e parë. Një gjë e tillë ka bërë që disa prej tyre, ose të largohen në formë huazimi, ose të gjejnë një skuadër të re duke hequr përfundimisht dorë nga kuqeblutë. Pas largimeve të Sykajt, Hasanit dhe Gocajt, një tjetër emër që do të lëvizë në drejtim të ekipeve të tjera është edhe sulmuesi 19-vjeçar, Bekim Erkoçeviç. Sulmuesi më i mirë i ekipit kampion të 19-vjeçarëve në sezonin 2010-2011, pritet të kalojë në formë huazimi te Laçi. Kjo duket pista primare për këtë lojtar, paçka se mësohet se edhe Partizani, i ngjitur tashmë në Kategorinë e Parë, dëshiron ta ketë në gjirin e vet sulmuesin shkodran. Erkoçeviç mesa duket ka parë mundësinë e huazimit, pasi pranë ekipit ka mbërritur tiranasi Hysa dhe duke parë konkurrencën, ka vendosur më mirë largimin, me qëllim aktivizimin sa më të rregullt për sezonin e ri.

NDIQE LIVE "PANORAMA TV"