Klubi i Egnatias ka bërë zyrtar afrimin e radhës gjatë merkatos së verës, duke firmosur me mbrojtësin Geralb Smajli.

Lojtari i krahut të djathtë ishte larguar nga Ballkani duke mbyllur marrëveshjen me ekiin kosovar dhe tashmë i është bashkuar rrogozhinasve ku pritet të jetë një element kyç në lojën e trajnerit Nevil Dede.

“Mirësevjen në familjen e Egnatias, Geralb Smajli! Një kapitull i ri nis sot me fanellën bardhejeshile.  Të urojmë shumë suksese, fitore dhe momente të paharrueshme me Egnatian!”, shkruhej në njoftimin e Egnatias në videon e prezantimit të futbollistit.

PANORAMASPORT.AL

---