Tomas Brdariç është bërë gati të ndryshojë skuadër në futbollin kosovar, pasi ka marrë një ofertë të rëndësishme, siç raportohet në mediat kosovare.

Tekniku gjerman i cili mbylli sezonin në drejtimin e Drenicës duke siguruar mbijetesën në elitë, ka marrë ofertë për të drejtuar Malishevën. Skuadra në fjalë bëri shumë mirë në sezonin e fundit që e mbylli në vendin e dytë, por për çudinë e të gjithëve, largoi trajnerin Bylbyl Sokoli.

“Gazeta Olle” bën të ditur se Brdariç është kthyer në kandidatin kryesor për të marrë drejtimin e klubit që do të luajë në Ligën e Konferencës dhe palët kanë zhvilluar bisedime paraprake për të bërë të mundur startin e bashkëpunimit mes tyre.

PANROAMASPORT.AL

---