Dikur Japonia ka pasur një brazilan në krye. As më pak dhe as më shumë ai ka qënë i famshmi Ziko. Duke folur për FIFA-n, ai tha: “Unë do të mbështes Brazilin. Në fund të fundit, unë jam brazilian. Por nëse Japonia fiton, kështu qoftë. Ajo që di është se do të jetë një ndeshje e mrekullueshme, sepse Japonia luan futboll të mirëfilltë”. Kjo do të jetë vetëm hera e dytë që Brazili përballet me Japoninë në një kampionat botëror, me takimin e parë që vjen në edicionin 2006 të turneut, me Brazilin që doli fitues me 4-1, dhe Ziko ishte menaxheri i Japonisë.

“Sigurisht, ndeshja ishte emocionale”, kujton Ziko. “Unë u thashë lojtarëve para ndeshjes se do të këndoja himnin brazilian para ndeshjes, ashtu siç më kishin mësuar në shkollë, por sapo topi i parë u godit, isha me Japoninë gjatë gjithë rrugës. Mbaj mend që mendova për Didin, i cili fitoi dy Kupa Bote me Brazilin dhe trajnoi Perunë kundër Selecao në 1970. Ishte shte e vështirë”. Ziko gjithashtu theksoi rëndësinë e lojtarëve japonezë në qarkun evropian të futbollit dhe se si ata janë një ekip shumë më i mirë taktikisht dhe psikologjikisht.

“Japonia është në një nivel më konkurrues tani. Lojtarët e tyre kanë shkuar në Evropë, ashtu si lojtarët brazilianë dhe të Amerikës së Jugut. Nga 26 lojtarët e tyre në Kupën e Botës, 23 luajnë në Evropë. Japonia është e përgatitur të përballet me këdo.

Gjatë viteve të fundit, ata kanë mposhtur Brazilin, Gjermaninë, Spanjën dhe Anglinë. Ata me të vërtetë janë gati për çdo gjë që u vjen përpara”, vuri në dukje ish-numri 10 i Brazilit. “Nga tre që luajnë në shtëpi, dy janë portierë dhe tjetri është Juto Nagatomo. Ai është atje më shumë si një lider dhe figurë me përvojë brenda skuadrës. Është Kupa e tij e pestë e Botës”. Gjatë dy turneve të fundit, Japonia nuk arriti në çerekfinale. Sigurisht, skuadra është përmirësuar taktikisht, por çështja më e madhe për Japoninë ishte gjithmonë psikologjike. Ata tani dinë se si të përballen me fatkeqësitë dhe mund të përgjigjen kur mbeten prapa”, përfundoi ai.

PANORAMASPORT.AL

---