Leon Pohls është kthyer në çështje te Vllaznia. “Panorama Sport” mëson se e ardhmja e portierit 29-vjeçar do të vendoset përfundimisht këtë javë.

“KF Vllaznia dëshiron të bëjë të ditur se kemi rënë dakord me portierin Leon Pohls për të vazhduar bashkëpunimin tonë edhe për sezonin e ardhshëm”, shkruhej në njoftimin e Vllaznisë më 2 qershor. Në fakt rezulton se Aron Jukaj ka marrë vendin e Pohls në miqësoret e këtij muaji.

Emri i portierit gjerman ndërkohë ka qarkulluar te Sherif Tiraspol. Nuk dihet nëse ka negociata konkrete, por fakt është Pohls e ndjek klubin moldav në rrjetet social.

Ky muaj ka qenë mjaft i vështirë për Vllazninë e trajnerit Martini pas humbjes së titullit kampion. Dhe pse u tregua fillimisht për rinovimin e Sherif Kallakut dhe Leon Pohls, të dy nuk po japin kontributin e tyre në fazë përgatitore.

Ndërkohë me Ardit Krymin u ndanë rrugët pavarësisht kontratës ekzistuese. Kallaku është në planet e Teutës, ndërsa Krymi i përket Tiranës.

EMANUEL LOCI-PANORAMASPORT.AL

---