Mesfushori Engjëll Hoti ka lënë përsëri shenjë me fanellën e Umraniespor në kategorinë e dytë turke, duke ndihmuar skuadrën të fitonte me shifrat 5-0 ndaj Serik Spor.

Në një ndeshje të luajtur në një fushë thuajse të ngrirë për shkak të shtresës së dëborës që ishte pastruar nga ajo para ndeshjes, futbollisti i cili u shpall kampion dy vite radhazi në Superiore me Tiranën e Partizanin, ia doli që të linte shenjën e tij në pjesën e dytë të ndeshjes.

Kur regjistrohej minuta e 68 e takimit, ai mori topin në mesfushë dhe lëshoi një gjuajtje të fortë nga distanca që çoi rezultatin në 4-0.

SHIH VIDEON

Ky ishte goli i tretë i Hotit në këtë edicion, i cili është i dyti për të me fanellën e Umraniespor.

PANORAMASPORT.AL

---