Luçiano Vera, një futbollist që ka emigruar prej Argjentinës dhe që ka luajtur në Europë për disa sezone, konfirmoi veten me aktivizimin e tij të vazhdueshëm sezonin te KF Tirana në Kategorinë Superiore të Shqipërisë.“Viti ka qenë i mirë. Jam i lumtur, sepse ishte pozitiv për mua personalisht dhe vazhdoj të rritem. Kam performuar mirë”, tha ai në një intervistë me “LT17”. Mbrojtësi i krahut deklaroi se shpreson të përmirësojë performancën e tij për sezonin 2025-26. Pas performancës së tij “të fortë” në Hungari, Vera do të vazhdojë në Kategorinë Superiore të Shqipërisë.

“Kam edhe dy vite në kontratën time dhe synoj një sezon të mirë dhe klubi është një vend i mirë për të qenë sepse hap shumë mundësi për t’u ngjitur në një ligë më të lartë”, tha ai.

Vlen të përmendet se ai ka luajtur më parë për Gyor në Hungari në sezonin 2024-2025. Në të njëjtën linjë, ai shtoi se gjërat në Shqipëri po shkojnë shumë mirë.

“Zgjedhja për të shkuar në këtë vend (Shqipëri) është sepse mbetet afër ligave të mëdha si Serbia, Greqia dhe Spanja”, pranoi argjentinasi. Lidhur me natyrën konkurruese të lojës në Kategorinë Superiore, ai e përshkroi atë si me ritëm.

“Futbolli i ligës është me ritëm të shpejtë. Është mirë, sepse të lejojnë të luash më shumë me topin dhe të japin lirinë si dhe nuk është aq fizik”, tha Vera. Së fundmi, ai përmendi pjekurinë që ka fituar gjatë viteve në Europë.

“Me kalimin e kohës, kam mësuar shumë, duke luajtur në pozicione të reja dhe, padyshim, kur bëhet fjalë për përballjen me lojën, më është dashur të mendoj ndryshe”, tha ai.Luciano Vera e filloi karrierën e tij si futbollist me River Plate. Ai luajti gjithashtu për Deportivo Maipu në Mendoza, si dhe në Sllovaki dhe Hungari. Ai ka luajtur gjithashtu për ekipet e të rinjve të Argjentinës.

OLSI AVDIAJ-PANORAMASPORT.AL

---