Basilio Ndong do të mungojë në klasiken e radhës mes Tiranës dhe Vllaznisë. Mesfushori ka udhëtuar drejt Afrikës për t’u bashkuar me kombëtaren e tij, Guinenë Ekuatoriale, me të cilën do të marrë pjesë në Kupën e Afrikës 2025.

Mungesa e tij përbën një goditje të rëndësishme për bardheblutë, pasi Ndong është një element kyç në fazën mbrojtëse dhe në balancën e skuadrës, veçanërisht nga krahu i majtë. Trajneri pritet të bëjë disa ndryshime në formacion për të kompensuar këtë mungesë.

Në qendër të mbrojtjes, dyshja Marku-Lleshi shihet si zgjedhja më e mundshme, ndërsa krahët do të mbulohen nga Vera dhe Ismajli. Kjo linjë pritet të ketë më shumë kujdes defensiv, për të shmangur rrezikun nga sulmet e shpejta të Vllaznisë. Në mesfushë, parashikohet aktivizimi i Rafael, Meta dhe Vogli, një repart që synon të ofrojë më shumë stabilitet dhe mbulim përpara mbrojtjes.

Ndërkohë, në sulm pritet që Tirana të rreshtohet me Haxhiun, Falajenë dhe Taren, duke kërkuar të shfrytëzojë kundërsulmet dhe hapësirat që mund të lërë rivali. Serzh Tabeku do të mungojë për çështje kartonësh, pasi ka grumbulluar numrin katër të të verdhave.

Ky formacion tregon një qasje më të kujdesshme dhe mbrojtëse krahasuar me ndeshjet e tjera, me synimin për të ruajtur ekuilibrin dhe për të përballuar një rival direkt si Vllaznia. Klasikja pritet të jetë e fortë dhe e luftuar, ku organizimi dhe disiplina taktike do të jenë vendimtare.

PANORAMASPORT.AL

---