Sot duhet të jetë dita kur do të mësohet fati përfundimtar i Final Four në Abissnet Superiore. Presidenti i FSHF-së, Armand Duka, tregoi se brenda 15 ditëve të para të qershorit do të vendoset për të ardhmen.

Final Four do të hiqet, por Komiteti Ekzekutiv do të vendosë nëse rikthehet formati klasik me 36 javë, apo do të përdoret një tjetër formulë. Kujtojmë se Final Four u përdor për tre edicione, ndërsa nuk pati numrin më të lartë të tifozëve.

Egnatia triumfoi në të tre sezonet në fjalë. Fillimisht në dy të parat e mbylli edhe kampionatin e rregullt në vendin e parë. Në anën tjetër te ky i fundit u pozicionua në vend të tretë pas 36 javësh, por në fund ia doli të fitonte titullin.

E sigurt është se numri i skuadrave do të mbetet i pandryshuar. Në edicionin e ardhshëm do të garojnë 10 skuadra në Abissnet Superiore.

PANORAMASPORT.AL

---