Në fakt, kjo qasje duket si një strategji e qëllimshme nga klubi. Egnatia nuk ka dashur të prishë ekuilibrat e brishtë të një skuadre që ka arritur deri në Europë. Ruajtja e bazës i jep siguri dhe identitet skuadrës, ndërsa afrimi i elementëve të rinj në sulm është përpjekja për të ngritur nivelin e lojës dhe për të qenë më kompetitivë në garat vendase dhe ndërkombëtare.

Në këtë pikë, mbetet për t’u parë sa shpejt do të përshtaten të sapoardhurit dhe sa efektiv do të dalë ky kombinim i eksperiencës dhe risisë. Deri atëherë, Egnatia do të vazhdojë të mbështetet te “shtylla kurrizore” e saj e pandryshuar, duke u përpjekur që të mos humbasë terren në kampionat dhe të mbajë gjallë objektivat e sezonit.

PANORAMASPORT.AL

---