Skuadra e Shkumbinit i është rikthyer dje fazës përgatitore pas takimit miqësor të zhvilluar në Kavajë përballë Besës, ku bardhekaltrit u mundën me rezultatin 2-0.

Për trajnerin File, rezultati i ndeshjes nuk ka pasur shumë rëndësi, pasi ky test i shërbeu teknikut elbasanas për të parë gjendjen fizike të futbollistëve të tij.

Sa i takon merkatos, duhet thënë se megjithëse nuk ka asnjë prurje të re, drejtuesit e klubit kanë pohuar se do të ndërhyhet për të përforcuar disa reparte. Kështu pritet që të afrohet një portier, pasi titullari i sezonit të shkuar Ajazi, momentalisht është i vetëm. Por, përveç portës, pritet që të ketë edhe afrime të tjetra nga kampionati ynë.

Përgatiti: Fatmir Ahmeti

---