Vllaznia ka mposhtur Teutën në transfertë me rezultatin 1-3. Golin e fundit për kuqeblutë e shënoi Kevin Dodaj, që rezultoi një realizim me mjeshtëri.

Pas ndeshjes ka folur pikërisht Dodaj. Sulmuesi i Vllaznisë tha se ndihet mirë te kuqeblutë dhe sa për zërat e merkatos, 19-vjeçari nuk ndërhyn

“Po arrij nga ndeshja në ndeshje të marr eksperiencën që nevojitet. Po stërvitem çdo ditë dhe ia dola të shënoj dhe të marrim 3 pikët. Zërat janë te klubi, nuk kam ndërhyrë, unë ndihem shumë mirë te Vllaznia.

Janë ëndrra që janë bërë realitet, po i përjetoj shumë mirë dhe ndihem shumë i lumtur. Shpresoj të vazhdoj më shumë se kaq”, u shpreh Dodaj për RTSH.

PANORAMASPORT.AL

---