Mirel Josa është pjesë e historisë së Skënderbeut, ndërsa së fundmi u rikthye për të rrëfyer periudhën e kaluar me bardhekuqtë. Trajneri i njohur zbuloi si Federata Shqiptare e Futbollit ndërhyri në merkato për t’i favorizuar, pikërisht te sezoni i parë(2009/10) ku rrezikohej rënia.

Skënderbeu qëndronte për 25 javë në pozicione që të dërgonin drejt rënies direkte nga kategoria. Në fund ia doli që të mbyllë në “play out”, teksa Apolonia dhe Gramozi e pësuan me rënie direkte.

Skënderbeu më pas mundi Kamzën 1 me 0 në finalen e “play out”, duke siguruar edhe mbijetesën. Nga edicioni tjetër filloi projekti ku u siguruan trofe për vite me radhë.

PJESË NGA RRËFIMI I MIREL JOSËS TE “DOSJA E FUTBOLLIT”

2009/10…

Ishte shumë i rëndësishëm ai sezon. Është një periudhë që u bënë shumë reforma brenda pak kohe. Morëm disa lojtarë në të cilën u shty dhe periudha e lëvizjes së lojtarëve u shty për dy javë. Vetëm për arsye të Skënderbeut. Kështu ishin rregullat atëherë. Ishin rregullat që i përcaktonte FSHF. Dhe filloi puna për të ringritur skuadrën dhe mos lejonim që të binte një kategori më poshtë.

Shtyrja e afateve, përse u detyrua?

U detyrua të ndryshojnë sepse atëherë nuk vendoste FIFA ose UEFA për këto probleme. Atëherë vendosnin të gjitha federatat, sipas interesave që kishte.

Pra FSHF i dha një dorë Skënderbeut për të qëndruar në kategori dhe të shtynte afatet?

Normale që po.

PANORAMASPORT.AL

---