Vendimet e arbitrit Kreshnik Cjapi dhe ndërhyrjet e VAR-it patën peshë të madhe në ecurinë e sfidës në Rrogozhinë mes Egnatias dhe tiranës. “Panorama Sport” analizon episodet më të diskutueshme të ndeshjes, ku polemikat nuk munguan.

Minutat 1′ –4′: Gjyqtari Cjapi akordon fillimisht penallti në favor të Egnatias, pasi Gruda rrëzohet në zonë pas një kontakti me Lleshin. VAR-i merr kohë për rishikimin e rastit dhe pas rreth dy minutash e thërret arbitrin kryesor në monitor. Cjapi ndryshon vendimin dhe anulon penalltinë. Nga ana tjetër, nuk akordohet karton i verdhë për simulim ndaj Grudës. Një moment mjaft i diskutueshëm, ku kryesori nuk i qëndron vendimit të parë të marrë në fushë.  (VIDEO)  (VIDEO)

Minuta e 53-të: Pretendime të reja për penallti nga Egnatia pas një dyluftimi në zonë, ku Haime rrëzohet në tokë pas kontaktit me Falajen. Gjyqtari vlerëson se gjithçka është e rregullt dhe lejon vijimin e lojës, ndërsa VAR-i e konfirmon më pas vendimin. (VIDEO)

Minuta 90’+3′: Pretendime të tjera nga vendasit për penallti, këtë herë për prekje të dyshuara me dorë në zonë. Gjyqtari vijon lojën dhe, nga pamjet televizive, vendimi duket i drejtë.  (VIDEO)

PANORAMASPORT.AL

---