Çfarë ndodh kur dy nga bazat e tifozëve më të dashuruar pas birrës në botë zbresin në të njëjtin qytet? E thjeshtë, baret lokale mbyllen katër orë më herët pasi mbarojnë stokun.Kjo ishte skena të dielën në mbrëmje në Boston, ku tifozët e Anglisë ishin mbledhur për ndeshjen e tyre kundër Ganës, ndërsa mbështetësit e Skocisë po largoheshin nga Massachusetts, të cilin e kishin pushtuar për dy ndeshjet e para të grupit, për t’u drejtuar në Miami për përballjen e tyre me Brazilin.

‘Përplasja’ midis dy grupeve të tifozëve nuk çoi në dhunë apo arrestime, por më tepër në një sfidë qesharake për të parë se kush mund të pinte më shumë, ndërsa anglezët dhe skocezët lanë pas shekuj rivaliteti. Sigurisht, për kënaqësinë e bareve lokale.

Hennessy’s, një pub përballë Bashkisë së Bostonit, u detyrua të mbyllej katër orë më herët se sa ishte planifikuar pasi iu mbaruan rezervat e birrës. E njëjta gjë ndodhi edhe në White Bull Tavern ngjitur, i cili duhej të ishte mbyllur në orën 1:30 të mëngjesit.

PANORAMASPORT.AL

---