Starti i sezonit 2026 në MotoGP sinjalizon fundin e dominimit absolut të Ducati dhe një balancë të re forcash. Aprilia dhe KTM kanë bërë hapa të mëdhenj përpara, me Marko Bexeki që dominoi në Tajlandë. Ndërkohë, Mark Markez e ka nisur sezonin i kushtëzuar fizikisht pas një tjetër ndërhyrjeje në krahun e djathtë.

Sipas Horge Lorencos, problemet në shpatull mund t’ia kufizojnë performancën, sidomos në kthesat majtas, madje edhe t’ia shkurtojnë karrierën. Ai shton se pa dëmtimet, Markez mund të kishte synuar rekordet e Xhakomo Agostnit. “Pa dëmtimin, po, do t’ia kishte dalë. Problemi është shpatulla e djathtë dhe në kthesat majtas shihet që është i kufizuar.

Kjo mund t’ia shkurtojë karrierën”, u shpreh ish-kampioni i MotoGP-së. Megjithatë, Lorenco e konsideron Markezin ende favorit për titullin 2026, bashkë me Bexekin dhe Pedro Akostës, ndërsa thekson se Aprilia duket shumë e fortë në kthesa, por Dukati mbetet motor i kompletuar në çdo aspekt. “Markez mbetet një nga kandidatët kryesorë për titull, bashkë me Bexekin. Akosta mund të futet gjithashtu në garë, ndërsa Banjaja nuk më duket mjaftueshëm i qetë, e shoh që i mungon besimi”, shprehet 38-vjeçari spanjoll.

PANORAMASPORT.AL

---