Partizani njoftoi sot shkarkimin e Mladen Milinkoviç. Trajneri largohet pas dy muajsh bashkëpunim ku të kuqtë regjistrojnë një nga ecuritë më të dobëta duke u vendosur në vendin e parafundit të renditjes.

Çfarë bie në sy te postimi i të kuqve është se njoftimi për Milinkoviç ngjason me atë të Adolfo Sormanit. Ky i fundit largohej pa u falënderuar për bashkëpunimin në vitin 2020, dhe po ashtu pa i uruar suksese në të ardhmen.

E njëjta situatë është përsëritur me Milinkoviç. Ndryshe nga Gega, Veselinoviç, Shehi apo Zekiç në vitet e fundit, ndarja vërehet se është e ftohtë.

Partizani me Milinkoviç e humbi derbin me rezultatin 3-0. Pas atij momenti u mor vendimi për disa ndryshime, teksa zhgënjimi për këtë sezon fillonte që nga Europa.

Disa prej largimeve të fundit

Largimi i Sormanit

Largimi i Milinkoviç

PANORAMASPORT.AL

---