Ledjo Tresa foli pas fitores së titullit kampion me Laçin në Kategorinë e Parë. Për sulmuesin e Laçit u zbuluan edhe prapaskena ku ka dështuar kalimi i tij te Partizani, ndërsa vetë Tresa konfirmoi se do marrë kohë për ofertat aktuale duke qenë se tashmë është pa kontratë.

“Është një emocion shumë ndryshe nga çdo gjë që kam kaluar deri tani. Është hera e parë që fitoj një trofe me Laçin dhe ndjesi shumë e mirë, që ta kthejmë Laçin aty ku e meriton.

E ardhmja? Publike nuk kam qejf të bëj akoma, por që ofertat kanë filluar. Këtë mund të them. Tani kam kohën e plotë përpara, që të vendos për të ardhmen time dhe shpresoj të bëhet më e mira.

Nuk është se profesori më ka lënë si 9 tamam, më ka lënë më shumë lojtar të lirë. Po luaj si 9 fals dhe besoj e kam ndihmuar ekipin mjaftueshëm te këto ndeshjet e rëndësishme që na duheshin”, u shpreh Tresa.

Sokol Bulku nga studio zbuloi po ashtu se Tresa dëshironte kalimin te Partizani më parë, por nuk u arrit.

Sokol Bulku: “Me Tresën kam shumë konfidencë. Për këto ofertat doja të di unë. Menaxheri se e njoh, a do jetë i saktë kësaj radhe? Se herën e parë kur doje të kaloje te Partizani, nuk u krye me sukses ai kalim. Shpreson të jetë i saktë?”

Ledjo Tresa: “Menaxherin tim ti e di shumë mirë që gjithmonë i saktë. Vështirë të gabojë. Besoj se do bëjmë zgjedhjen e duhur, si gjithmonë. Siç ka qenë kjo te Laçi për mua, që të rritem. Dhe besoj se ia dola”.

PANORAMASPORT.AL

---