I zhgënjyer, Danilo: Brazili nuk ka pjekurinë e kampionëve
Tetë vjet më parë Danilo pa nga stoli Brazilin duke qënë superior ndaj Belgjikës për 45 minuta, por nuk shmangu eliminimin në çerekfi nale të Kupës së Botës 2018. Katër vjet më vonë, tashmë në fushë, mbrojtësi ishte i frustruar me një rënie të re në të njëjtën fazë të fazës eliminatore, tani ndaj Kroacisë, me penallti.
Këto janë trauma që janë ende të gjalla në Kombëtaren braziliane, e cila në vitin 2026 përpiqet t’i japë fund thatësirës 24-vjeçare pa fi tuar një titull botëror. Debutimi zhgënjyes, shumë më tepër për performancën sesa për rezultatin 1-1 ndaj Marokut, shqetësoi ata që prisnin një lloj tjetër qëndrimi. Por për disa, shërben si një mundësi.
Danilo shpjegon pse është çmenduri të fl asësh për gola të shumtë dhe ul pritshmëritë para Brazilit kundër Haitit në Kupën e Botës. “Kupa e Botës na dha një mundësi për të mësuar nga ndeshja kundër Marokut,” tha mbrojtësi i djathtë, një titullar i mundshëm kundër Haitit. “Kupa nuk lejon të gjithë kohën të gabosh. Pra, le ta marrim këtë si një përvojë mësimore. Do të ketë momente 5, 10 apo 15 minuta që do të kemi vështirësi. Është ta kuptosh këtë dhe ta marrësh këtë mësim menjëherë, brenda vetë ndeshjes”, ka thënë ai.
Brazili u dominua nga Maroku dhe kaloi pjesën më të madhe të 45 minutave të para duke ndjekur topin dhe u lodh duke parë afrikanët, të cilët morën epërsinë. Ata u ndëshkuan me një gol që erdhi si pasojë e një veprimi të shkëlqyer nga Vinicius. Por Danilo shikon se skuadra është një tjetër fazë në përgatitjen për Kupën e Botës.
“Hapi tjetër tani është të evoluojmë. Si ekip, si ide, si performancë. Për të lënë traumat e Kupave të Botës të kaluara të fshihen dhe jo të përforcohen. Mbrojtësi i djathtë Danilo pranoi të mërkurën se kombëtarja braziliane nuk ka pjekurinë e rivalëve si Franca ose Argjentina, që nuk do të thotë, tha ai, se ata nuk mund të bëjnë mirë dhe të shkojnë larg në Kupën e Botës 2026. “Ne nuk kemi pjekurinë që ka sot një ekip si Franca apo Argjentina. Na mungon kjo pjekuri si ekip. Kjo nuk do të thotë se nuk mund të bëjmë mirë, të fi tojmë dhe të shkojmë larg. Megjithatë, mjetet tona për të luajtur këto ndeshje duhet të jenë të ndryshme. Ne duhet të përdorim një mekanizëm tjetër për t’u përballur me këtë lloj loje”, ka përfunduar shpjegimin mbrojtësi i djathtë i Brazilit.
PANORAMASPORT.AL
