Egnatia do të njihet nesër me kundërshtarin në turin e parë të Ligës së Kampioneve. Klubi kampion ka konfirmuar se presidenti Demrozi dhe drejtori sportiv Klejdi Zenelaj do të jenë të pranishëm nesër përgjatë shortit.

Në Nion të Zvicrës, Egnatia mëson fatin e saj. Dhe pse ndodhet në vazon e skuadrave jofavorite, besimi për kalimin e turit është i madh.

Ndeshjet e turit të parë kualifikues do të luhen ndërkohë më 8, 9 korrik dhe 15 apo 16 korrik ndeshja e kthimit. Rruga drejt grupeve do të shtrohej, nëse Egnatia kalon në raundin e dytë kualifikues të Champions.

Ky është sezoni i dytë radhazi, që Egnatia do të përfaqësojë Shqipërinë në Champions. Edicioni i kaluar ka mbetur si peng, pasi vetëm penalltitë ndalën rrogozhinasit ndaj Borac Banja Luka.

PANORAMASPORT.AL

---